Buurtlink
Maak een keuze uit wat je wilt toevoegen
Stel buurtgenoten op de hoogte van activiteiten aankondigingen en evenementen
Heb je spullen te koop, gratis op te halen of ben je naar iets op zoek
Deel beelden uit de buurt van je favoriete plekken, monumenten of bezienswaardigheden
Deel verhalen uit de buurt over evenementen, historie of bijzondere bewoners
Roep de buurt op om een mening te geven of een stelling, klacht, opinies of meldingen
Schakel je buurtgenoten in voor hulp bij verloren voorwerpen, huishoudelijke zaken of klusjes
Ga een gesprek aan met je buurtgenoten
1. Plaats jouw kalender in de buurt
2. Waar vindt het plaats?

Het bericht wordt geplaatst in alle buurten binnen een straal van 10km

1. Plaats jouw vraag of aanbod in de buurt
2. Wat is de locatie?

Het bericht wordt geplaatst in alle buurten binnen een straal van 10km

1. Deel je foto of video
1. Vertel je verhaal
1. Deel je oproep met de buurt
1. Deel je hulpvraag met de buurt
2. Plaats het in de buurt
1. Stuur een bericht aan je buren
2. Plaats het in de buurt
Thumb 10550979 639012772861265 7383677549483644976 n

Verhalen / Moment van

Over een jongensfiets.

Jaren 50
Verhaal Over een jongensfiets...

't Git soms wonderlijk in 't leven, dag in dag uut bin je mer bezig um de kost te verdienen.
Mer de dingen die je graag zouen doen, doar kumt niks van.Ik had graag tekenaar of schriever
willen worden, mer dat is d'r nooit van e'kommen. D'r moes non eenmoal dagelijks brood op de
plank wezen, doarum schrief ik non mer uut liefhebberij.
Ik zie 't weer veur me, de "Kasteel Staverden" die met veul schroefwoater an 't keren is in de haven, net
terug uut Amsterdam.'t Was altied een mooi gezicht, zoon boot vol volk, dat in Harderwiek een dagje
deur kwam brengen.As jonge stond je dan met de handen in je zak, stoer op 't randje van de gorgel
um an die stadsen te loaten zien dat jie hier thuus heurde. De loopplank werd noar de boot e'schoven
en de minsen stroomden de wal op.Dan kwamen de fietsen uut 't ruum, want d'r waren een hoop minsen
die een fiets bie d'r hadden.In die tied was een fiets iets woar je van droomde, dat was een luxe!
Piet Graafeiland ree ze de wal op en riep 't nummer af, dat op een koartje an 'tstuur zat.
Ik stond met Peter te kieken noar al die mooie karretjes, die één veur één over de loopplank rolden.
Op een gegeven moment kwam Piet met een jongesfiets anlopen..."Vierhonderd tweeenzeventig" riep ie
en zette de fiets bie de anderen neer.Ik zei: " Peter, kiek een jongesfiets!"
We gingen d'r iets dichterbie stoan en bekeken 'm met glundere gezichten.D'r zaten houten blokken op de trappers
en an 't stuur zat een vlaggetje met 't wapen van Amsterdam d'r op. Ik keek um me heen, de eigenaar kwam
nog niet opdagen, niemand lette op ons...
M'n hart bonsde toen ik tegen Peter zei: "Zullen we 'm es proberen?" We keken schichtig um ons heen, Peter
pakte de fiets, sprong d'r op en ik holde achter 'm an en sprong achterop.
In tied van een mum waren we Harderwiek uut en rejen we op de Leuvenumseweg." Non ik effen!"riep ik en we
wisselden van plek.'t Jonge wat ging dat lekker, as je toch es zo'n fiets hadden!
We trapten mer deur en hadden 't zweet op onze kop. Mer ja, 't was zondagmiddag en je konden niet al te lang
weg blieven. Um een uur of vuuf moes je thuus wezen, we overlegden wat we met de fiets an moesten, je konden
d'r niet thuus mee ankommen en terugbrengen noar de haven, dorsten we ook niet.
We besloten de fiets bie Hendrik, onze buurman die boer was, op 't land te verstoppen. Dat land was in de buurt
van de "Harmonie" dus we stopten hem onder een pol hooi en gauw op huus an, want 't was al vuuf uur.
Onder 't lopen noar huus dochten we nog wel effen of we d'r geen last mee zouen kriegen, want 't was natuurlijk niet goed wat 'e doan hadden. Mer doar waren we ook zo weer overheen, de volgende dag zouen we weer heerlijk goan
fietsen as we uut schoel kwamen.
Toen we de volgende dag um twoalf uur noar huus liepen, um te goan eten, zagen we Hendrik ankommen met de
peerdekar. We staken onze hand op,"Hoi"riep Hendrik en ree ons veurbie, we keken op de kar en kregen de schrik
van ons leven, op de kar lag de jongesfiets... We keken mekaar an en kregen 't behoorlijk benauwd, Hendrik sprong
van de kar en pakte de fiets beet. "Die lag bie mien op 't land" zei ie, we knikten stom en maakten dat we weg
kwamen.
De fiets kwam op 't politie bureau terecht, zodat we die dag niet gingen fietsen, wel jammer 't ging zo machtig
lekker! Mer we waren toch wel een beetje opgelucht dat we d'r zo af 'e kommen waren...
Ga naar alle verhalen van douwe leeuwerink
Adverteren | Disclaimer | Gebruikersvoorwaarden | Privacy- en cookiebeleid | Help | Pers | Vacatures | Contact | Overzicht

Copyright 2015 Sanoma Digital The Netherlands B.V.
SchoolBANK.nl - onderdOver een jongensfiets...

Reageer als eerste

Zeebuurt-west, Harderwijk